Tennıs: Mıhaıl Kýkýshkın Lıon týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 91-inshi raketkasy Mıhaıl Kýkýshkın Lıon (Frantsııa) týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 196-ynshy orynda turǵan frantsııalyq Gregýar Barrermen sheberlik baıqasty. Bul básekede M.Kýkýshkın 6:2, 6:3 esebimen jeńiske jetti. Kezdesý 1 saǵat 14 mınýtqa sozyldy.
M.Kýkýshkın júlde qory 600 myń AQSh dollaryna jýyqtaıtyn Lıon týrnıriniń shırek fınalyna shyǵý úshin álemniń 335-inshi raketkasy, argentınalyq Federıko Korııamen talasady.
Búgin sondaı-aq Strasbýrgte Zarına Dııas vengrııalyq Tımeıa Baboshpen, Nıýrnbergte ıÝlııa Pýtıntseva álemniń 10-ynshy raketkasy, amerıkalyq Sloan Stıvenspen kortqa shyǵady.
Eske sala keteıik, budan buryn Z.Dııastyń vengrııalyq tennısshimen kezdesetinin jazǵan bolatynbyz.
