Tennıs: Mıhaıl Kýkýshkın Indıan-Ýellste negizgi týrnırge joldama aldy
NUR-SULTAN. QazAqparat – Qazaqstandyq Mıhaıl Kýkýshkın Indıan-Ýells masters týrnırine joldama aldy, dep habarlaıdy QazAqparat tilshisi.
Dúnıejúzilik reıtıngte 154-orynda turǵan M.Kýkýshkın irikteý saıystarynyń fınalynda álemniń 93-raketkasy, japonııalyq Esıhıto Nısıokamen sheberlik baıqasty.
Qazaqstandyq tennısshi qarsylasyn 6:2, 7:6 (7:4) esebimen utty.
Eki saǵattan astam ýaqytqa sozylǵan báseke barysynda 1 eıs jasap, 18 breık-poınttyń tórteýin paıdalandy. Qarsylasy 1 eıs, 2 breıkpen (9 breık-poınt) shekteldi.
M.Kýkýshkınniń negizgi týrnırdegi qarsylasy keıin anyqtalady.
Júlde qory 8,5 mln AQSh dollarynan asatyn iri jarysta Qazaqstannyń birinshi, álemniń 33-raketkasy Aleksandr Býblık te óner kórsetedi.
Eske sala keteıik, budan buryn Zańǵar Nurlanulynyń Eýropa reıtıngisinde úsh aı boıy kósh bastap kele jatqanyn, Mıhaıl Kýkýshkınniń Indıan-Ýells týrnırin sátti bastaǵanyn jazǵan bolatynbyz.
