Tennıs: Mıhaıl Kýkýshkın Indıan-Ýells týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 90-ynshy raketkasy Mıhaıl Kýkýshkın AQSh-tyń Indıan-Ýells qalasynda ótip jatqan iri halyqaralyq týrnırdi sátti bastady, dep habarlaıdy «QazAqparat» HAA tilshisi.
www.championat.com saıtynan alynǵan málimetke qaraǵanda, qazaqstandyq tennısshi avstralııalyq Djordan Tompsonmen kúsh synasqan edi. Esep 1:6, 6:1, 3:0 bolyp, Mıhaıl jeńip kele jatqan kezde qarsylasy oıyndy jalǵastyrýdan bas tartty. M.Kýkýshkın ekinshi aınalymda amerıkalyq belgili tennısshi, osy týrnırdiń 20-synshy raketkasy Djon Isnermen kortqa shyǵady.
Bul týrnırdiń júlde qory 7,9 mln. AQSh dollarynan asady. Al júlde qory 7 mln. AQSh dollaryna jýyq áıelder arasyndaǵy týrnırde qazaqstandyq ıAroslava Shvedova alǵashqy aınalymda amerıkalyq Varvara Lepchenkodan 6:4, 2:6, 4:6 esebimen jeńilip qaldy. Al birden ekinshi aınalymǵa ótken Qazaqstannyń birinshi, álemniń 30-ynshy raketkasy ıÝlııa Pýtıntseva frantsııalyq Polın Parmantemen sheberlik baıqasady.
Aıta keteıik, álemniń kóptegen myqty tennısshileri qatysyp jatqan qos jarys ta 19 naýryz kúni márege jetedi.
