Tennıs: Mıhaıl Kýkýshkın Indıan-Ýells týrnırin sátti bastady
NUR-SULTAN. QazAqparat – Qazaqstandyq Mıhaıl Kýkýshkın Indıan-Ýells masters týrnıriniń irikteý saıysyn sátti bastady, dep habarlaıdy QazAqparat tilshisi.
Dúnıejúzilik reıtıngte 154-orynda turǵan M.Kýkýshkın irikteý saıystarynyń jartylaı fınalynda álemniń 122-raketkasy, ıtalııalyq Andreas Seppımen kezdesti.
Qazaqstandyq tennısshi 6:2, 6:4 esebimen eki sette jeńiske jetti.
Saǵat jarymnan astam ýaqytqa sozylǵan báseke barysynda M.Kýkýshkın 2 eıs jasap, 9 breık-poınttyń úsheýin paıdalandy.
M.Kýkýshkın irikteý saıystarynyń fınalynda álemniń 93-raketkasy, japonııalyq Esıhıto Nısıokamen kortqa shyǵady. Ony jeńse, álemniń mańdaıaldy tennısshileri baq synaıtyn negizgi týrnırge joldama alady.
Taǵy bir qazaqstandyq Dmıtrıı Popko irikteý saıysynda kolýmbııalyq Danıel Elahı Galan Rıverostan 4:6, 5:7 esebimen jeńilip qaldy.
Qazaqstannyń birinshi, álemniń 33-raketkasy Aleksandr Býblık reıtıngisi joǵary bolǵandyqtan, Indıan-Ýells týrnırin ekinshi aınalymnan bastaıdy.
Áıelder arasyndaǵy osy jarysta Qazaqstannan Elena Rybakına, ıÝlııa Pýtıntseva baq synaıdy.
Eske sala keteıik, budan buryn Zańǵar Nurlanulynyń Eýropa reıtıngisinde úsh aı boıy kósh bastap kele jatqanyn jazǵan bolatynbyz.
