Tennıs: Mıhaıl Kýkýshkın álemniń 8-inshi raketkasyna ese jiberdi
ASTANA. QazAqparat - Qazaqstandyq Mıhaıl Kýkýshkın Madrıd týrnıriniń ekinshi aınalymynda álemniń 8-inshi raketkasy, ońtústikafrıkalyq Kevın Andersonmen kúsh synasty, dep habarlaıdy QazAqparat tilshisi.
Asa tartysty ótken matchty sátti bastaǵan, álemdik reıtıngte 96-ynshy orynda turǵan M.Kýkýshkın birinshi partııada 7:5 esebimen jeńiske jetti.
Ekinshi partııa taı-breıkke deıin jetip, onda K.Anderson 7:3 esebimen tarazy basyn aýdara bildi.
Úshinshi, sheshýshi partııany ońtústikafrıkalyq tennısshi 6:2 esebimen utty. Kezdesý 2 saǵat 15 mınýtqa sozyldy.
Osylaısha irikteý saıystarynan keıin negizgi týrnırge qosylǵan Mıhaıl Kýkýshkın álemniń 8-inshi raketkasyn uta almady.
Eske sala keteıik, budan buryn M.Kýkýshkınniń Madrıd týrnıriniń ekinshi aınalymyna shyqqanyn jazǵan bolatynbyz.
