TENNIS: M.Kýkýshkın Sıdneı týrnırinde shırek fınalǵa shyqty
ASTANA. QazAqparat - Avstralııanyń Sıdneı qalasynda ótip jatqan halyqaralyq týrnırde qazaqstandyq tennısshi, dúnıejúzilik reıtıngte 66-orynda turǵan Mıhaıl Kýkýshkın ýrýgvaılyq, álemniń 29-ynshy raketkasy Pablo Kýevasty 7:5, 7:5 esebimen utyp, shırek fınalǵa shyqty.
Chempıonat.kom saıtynan alynǵan málimetke qaraǵanda, M.Kýkýshkın jartylaı fınalǵa shyǵý úshin ataqty argentınalyq tennısshi Hýan Martın del Potromen kúsh synasady. Ol ekinshi aınalymda osy týrnırdiń birinshi raketkasy, ıtalıandyq Fabıo Fonınıdi jeńdi.
Aıta keteıik, M.Kýkýshkın Sıdneı týrnırine irikteý saıystarynan keıin joldama alyp, alǵashqy aınalymda ózbekstandyq Denıs Istomındi tize búktirgen bolatyn.
Sıdneı jarysynyń júlde qory - 494310 AQSh dollary. Bul Avstralııa ashyq birinshiligi aldyndaǵy basty daıyndyq ispettes. Sonymen qatar Hobart qalasynda áıelder arasynda halyqaralyq týrnır ótýde. Munda Qazaqstannyń birinshi, álemniń 31-inshi raketkasy Zarına Dııas óner kórsetýde. Ol 14 qańtar kúni slovakııalyq tennısshi Danıela Gantýhovamen kezdesýi tıis bolatyn. Alaıda bul kúni Hobartta jańbyr jaýǵandyqtan, matchtardyń barlyǵy 15 qańtarǵa qaldyryldy.
