Tennıs: M.Kýkýshkın Rım týrnıriniń ekinshi aınalymynda ulybrıtanııalyq E.Marreımen kezdesedi
ASTANA. QazAqparat - Italııanyń Rım qalasynda ótip jatqan Internazionali BNL d´Italia týrnıriniń birinshi aınalymynda Qazaqstannyń birinshi, álemniń 87-inshi raketkasy Mıhaıl Kýkýshkın horvatııalyq Borna Chorıchpen kúsh synasty.
Tikeleı sporttyq kórsetilim arqyly málim bolǵanyndaı, 28 jasar M.Kýkýshkın tisqaqqan tennısshi bolsa, B.Chorıch nebári 19 jasta ǵana. Jastyǵyna qaramastan, B.Chorıch álemdik reıtıngte úzdik elýliktiń qataryna kiredi.
Asa tartysty ótken matchtyń birinshi partııasynda M.Kýkýshkın taı-breıkte 7:6 esebimen utty. Ekinshi sette B.Chorıch 7:5 esebimen ese qaıyrdy. Sheshýshi, úshinshi partııada M.Kýkýshkın óziniń sheberligin kórsete bildi. Esep 5:3 bolyp turǵan sátte matchboldy paıdalana almaǵan qazaqstandyq tennısshi qarsylasy dop bergen kezde jaqsy oınaı aldy. Sóıtip qaıta breık jasap, 6:4 esebimen jeńiske jetti.
Endi Rım týrnıriniń ekinshi aınalymynda M.Kýkýshkın álemniń mańdaıaldy tennısshileriniń biri, osy jarystyń 2-inshi raketkasy, ataqty Endı Marreımen sheberlik baıqasady.
Aıta keteıik, júlde qory 4,3 mln eýrodan asatyn Rım týrnırine Mıhaıl Kýkýshkın irikteý saıystarynan sátti ótip, negizgi jarysqa joldama alǵan bolatyn.
