Tennıs: M.Kýkýshkın Maıamı týrnıriniń ekinshi aınalymyna shyqty
ASTANA. QazAqparat - Maıamı qalasynda (AQSh) tennısten ótip jatqan iri halyqaralyq týrnırde Qazaqstannyń birinshi raketkasy Mıhaıl Kýkýshkın ekinshi aınalymǵa shyqty.
Tikeleı sporttyq kórsetilim arqyly málim bolǵanyndaı, M.Kýkýshkın bastapqy kezdesýinde amerıkalyq Braıan Beıkerdi 6:4, 6:2 esebimen jeńdi. Match barysynda qazaqstandyq tennısshi sheber oıyn órnegin kórsete bildi. Ekinshi partııada esep 5:1 bolyp turǵan sátte Mıhaıl ózi dop bergende, match-poıntty paıdalana almady. Degenmen osydan keıin amerıkalyq tennısshi dop bergende, M.Kýkýshkın tórtinshi match-poıntty óz esebine jazyp, tartysty básekeni breıkpen aıaqtady.
M.Kýkýshkın júlde qory 7 mln. AQSh dollarynan asatyn jarystyń ekinshi aınalymynda osy týrnırdiń 30-ynshy raketkasy, brazılııalyq Tomas Bellýchchımen kúsh synasady.
Eske sala keteıik, M.Kýkýshkın irikteý saıystarynyń fınalynda taǵy bir brazılııalyq Joao Soýzany 6:4, 7:6 esebimen tize búktirip, negizgi týrnırge joldama alǵan bolatyn.
Maıamı týrnıriniń áıelder arasyndaǵy jarysynda (júlde qory - 6,1 mln. astam AQSh dollary) ekinshi aınalymǵa Qazaqstannan Zarına Dııas qana ótken bolatyn. Ol búgin týrnırdiń 31-inshi raketkasy, avstralııalyq Darıa Gavrılovamen kortqa shyǵady.
