Tennıs: M.Kýkýshkın Kreml kýbogyn jeńispen bastady
ASTANA. QazAqparat - Qazaqstandyq tennısshi Mıhaıl Kýkýshkın tennısten Kreml kýbogy úshin halyqaralyq jarysty sátti bastady.
14 qazannan 15 qazanǵa qaraǵan túni ol reseılik jas tennısshi Karen Hachanovpen kúsh synasty. Jankúıerleriniń qoldaýyna súıengen Karen birinshi partııada breık jasap, birden alǵa ketti. Degenmen kóp uzamaı Mıhaıl esepti teńestirdi. Alaıda taı-breıkte reseılik tennısshi jeńiske jetti. Ekinshi partııada ózine kelgen M.Kýkýshkın qarsylasyna birde-bir geım bermeı, 6:0 esebimen utty. Buǵan qaraǵanda, úshinshi, sheshýshi partııa tartysty boldy. Tórt geım boıy K.Kachanov qarsylasyp baqty. Áıtse de sheshýshi sátterde Mıhaıldyń sheberligi aıqyn kórindi ári K.Hachanov sharshap qalǵandaı áser qaldyrdy. M.Kýkýshkın úshinshi match-bolyn qur jibergen joq. Sóıtip bul partııada 6:2 esebimen qazaqstandyq tennısshi jeńiske jetti. Oıyn eki saǵattan astam ýaqytqa sozyldy.
Ekinshi aınalymda Mıhaıl Kýkýshkın ıtalıandyq Fabıo Fonınımen kezdesedi. Onyń K.Hachanovqa qaraǵanda, tájirıbesi de, sheberligi de áldeqaıda basym. F.Fonını - osy týrnırdiń tórtinshi raketkasy.
Bolashaǵynan úlken úmit kúttiretin on segiz jasar máskeýlik K.Hachanov álemdik reıtıngte 292-inshi orynda ǵana tur. Al ótken aptada Shanhaıdaǵy týrnırde sátti oınaǵan M.Kýkýshkın 11 satyǵa joǵarylap, 74-inshi orynǵa jaıǵasqan bolatyn.
Eske sala keteıik, M.Kýkýshkın ótken jylǵy Kreml kýbogynda fınalǵa deıin jetip, onda frantsııalyq tennısshi Rıshar Gaskege utylyp qalǵan edi.
