Tennıs: M. Kýkýshkın Ispanııada ótip jatqan halyqaralyq týrnırdiń shırek fınalyna shyqty
ASTANA. 4 tamyz. QazAqparat - Qazaqstandyq tennısshi Mıhaıl Kýkýshkın juptasyp óner kórsetýde Ispanııada ótip jatqan júlde qory 85 myń eýrony quraıtyn «Chellendjer» serııasyndaǵy halyqaralyq týrnırdiń shırek fınalyna shyqty.
Bul aqparatty QR Tennıs federatsııasynyń baspasóz qyzmeti taratty.
Keshe Kýkýshkın men reseılik Teımýraz Gabashvılı juby alǵashqy aınalymda ıspandyq Gılermo Gomes-Dıas pen Mıkeı Sýleý jubyn 7:6, 6:3 esebimen utty.
Endi olar kelesi aınalymda da ıspandyq Roberto Batısta-Agýt pen Ivan Navarro jubymen oınaıdy.
