TENNIS: M.Kýkýshkın asa tartysty matchta M.Chılıchke ese jiberdi
ASTANA. QazAqparat - US Open týrnıriniń úshinshi aınalymynda Qazaqstannyń birinshi raketkasy Mıhaıl Kýkýşkın osy jarystyń ótken jylǵy jeńimpazy, horvatııalyq Marın Chılıchpen asa tartysty match ótkizdi.
Eýrosport telearnasynan tikeleı efırde kórsetkenindeı, tórt saǵattan astam ýaqytqa sozylǵan kezdesýde dúnıejúzilik reıtıngte 56-ynshy orynda turǵan M.Kýkýshkın álemniń toǵyzynshy raketkasy M.Chılıchpen terezesi teń oıyn órnegin kórsete bildi. Birinshi partııa taı-breıkke deıin sozylyp, onda qazaqstandyq tennısshi jeńiske jetti. M.Kýkýshkın ekinshi partııada breık jasap, 5:3 esebimen alda turǵanymen, ony paıdalana almady. Munda taı-breıkte horvatııalyq tennısshi aıqyn basymdylyq kórsetti. Ol úshinshi partııany da 6:3 esebimen utty. Tórtinshi partııada M.Chılıch birden breık jasap, alǵa ketti. M.Kýkýshkınge tipti medıtsınalyq úzilis alýǵa týra keldi. Degenmen qazaqstandyq tennısshi naǵyz qaısarlyqtyń úlgisin kórsetip, esepti teńestirip qana qoımaı, taǵy da taı-breıkte jeńiske jete bildi. Tek sheshýshi, besinshi partııada M.Kýkýshkınniń boıy eki metr, dop berýi joıqyn M.Chılıchpen shaıqasýǵa shamasy jetpedi. Horvatııalyq tennısshi kezdesýdi de eıspen bitirdi. Sóıtip ol 6:7, 7:6, 6:3, 6:7, 6:1 esebimen M.Kýkýshkındi utyp, tórtinshi aınalymǵa joldama aldy.
Sonymen, US Open týrnırinde áıelder men erler arasyndaǵy jekeleı synda qazaqstandyqtardan eshkim qalǵan joq.
Aıta keteıik, M.Kýkýshkın osymen AQSh-tyń ashyq chempıonatyndaǵy ozyq tabysyn qaıtalady. Budan eki jyl buryn da úshinshi aınalymǵa deıin jetken ol álemdegi myqtylardyń biri, ıspanııalyq Davıd Ferrerge jol bergen bolatyn.
