Tennıs: Latvııalyq tennısshi jıyrma jasynda Rolan Garros týrnıriniń jeńimpazy atandy
ASTANA. QazAqparat - Parıjde tennısten Rolan Garros týrnıriniń áıelder arasyndaǵy sońǵy básekesinde álemniń tórtinshi raketkasy, rýmynııalyq Sımona Halep pen dúnıejúzilik reıtıngte nebári 47-inshi orynda turǵan latvııalyq Elena Ostapenko kúsh synasty, dep habarlaıdy «QazAqparat» tilshisi.
«Eýrosport» telearnasynan tikeleı efırde kórsetkenindeı, qos tennısshi oıyn barysynda alma-kezek breık jasap, bir-birinen sheberligin asyrýǵa tyrysyp baqty. Birinshi partııada tájirıbeli Halep 6:4 esebimen jeńiske jetti. Al ekinshi jáne úshinshi partııanyń sheshýshi sátterinde jıyrma jasar Ostapenko sheber oınap, 6:4, 6:3 esebimen utty.
Osylaısha, kútpegen jerden aıdy aspanǵa shyǵarǵan Ostapenko óz sporttyq jolynda jáne Latvııa eliniń tarıhynda tuńǵysh ret álem birinshiligimen teń sanalatyn Frantsııa ashyq chempıonatynyń jeńimpazy atandy. Endi ol dúnıejúzilik reıtıngte 12-orynǵa bir-aq kóteriledi. Eger fınalda jeńgen kezde S.Halep birinshi raketka atanatyn edi. Ol utylyp qalǵannan keıin nemis tennısshisi Anjelıka Kerber burynǵysha reıtıngtiń kósh basynda qalatyn boldy.
Eske sala keteıik, Qazaqstannyń birinshi raketkasy ıÝlııa Pýtıntseva Rolan Garros týrnırinde úshinshi aınalymǵa deıin jetse, ıAroslava Shvedova alǵashqy kezdesýinde-aq qarsylasyna ese jibergen bolatyn.
Rolan Garros týrnırinde erler arasyndaǵy sońǵy synda erteń ıspanııalyq Rafael Nadal men shveıtsarııalyq Sten Vavrınka kezdesedi.
