Tennıs: Qytaıdyń Shenchjen týrnırinde Z.Dııas pen ıA.Shvedova oınaıdy
ASTANA. QazAqparat - Qytaıdyń Shenchjen qalasynda tennısten áıelder arasynda ótetin jyldyń alǵashqy týrnıriniń birine qos birdeı qazaqstandyq Zarına Dııas pen ıAroslava Shvedova qatysady.
Chempıonat.kom saıtynan alynǵan málimetke qaraǵanda, álemniń 52-inshi, Qazaqstannyń birinshi raketkasy Z.Dııas birinshi aınalymda qytaılyq Chjan Kaılınmen sheberlik baıqasady. Al irikteý saıystarynda jeńimpaz atanyp, negizgi týrnırge qosylǵan álemniń 67-inshi raketkasy ıA.Shvedova estonııalyq Anett Kontaveıtpen kortqa shyǵady.
Júlde qory 426 750 AQSh dollaryn quraıtyn Shenchjen týrnıri 2013 jyldan beri ótkizilip keledi. Bastapqy eki jylda qytaılyq Lı Na jeńimpaz atansa, ótken jyly rýmynııalyq Sımona Halep úzdik shyqqan edi. Biraq ol bıyl chempıondyq ataǵyn qorǵaýǵa qatyspaıdy. Esesine álemniń besinshi jáne altynshy raketkalary, polıak qyzy Agneshka Radvanska, chehııalyq Petra Kvıtova sııaqty juldyzdar barshylyq.
Taǵy bir qazaqstandyq tennısshi, álemniń 77-inshi raketkasy ıÝlııa Pýtıntseva Oklend (Jańa Zelandııa, júlde qory - 226 750 AQSh dollary) týrnırinde alǵashqy aınalymda jańazelandııalyq Marına Erakovıchpen kezdesedi.
Eki jarys ta 9 qańtar kúni márege jetedi.
Eske sala keteıik, Zarına Dııas ótken jyly Shenchjen týrnırinde horvatııalyq Donna Vekıch pen vengrııalyq Tımıa Baboshty utyp, shırek fınalda asa tartysty matchta qytaılyq Chjen Saısaıǵa jol bergen bolatyn.
