Tennıs: Qytaıda bıylǵa josparlanǵan barlyq týrnırler ótpeıtin boldy
Áıelder tennıs qaýymdastyǵy (WTA) óziniń resmı saıtynda málim etkendeı, Qytaı úkimeti koronavırýs indetine baılanysty jyl aıaǵyna deıin barlyq halyqaralyq jarystardy ótkizbeý týraly qaýly qabyldaǵan.
Osyǵan baılanysty Ýhan, Nanchan, Beıjiń, Chjenchjoý, Gýanchjoý jarystary ótpeıdi. Sonymen qatar Shenchjendegi WTA qorytyndy týrnıri, Chjýhaıdaǵy kishi qorytyndy týrnır bolmaıdy.
WTA, ásirese, Shenchjendegi jyldyń qorytyndy týrnırin ótkizbeýden 50 mln-daı AQSh dollaryn joǵaltpaqshy.
Sol sekildi Kásipqoı tennısshiler qaýymdastyǵy (ATP) da erler arasynda Shanhaıda masters, Beıjińde ATP-500, Chendý men Chjýhaıda ATP-250 dodalarynyń ótpeıtinin málimdedi.
Eske sala keteıik, budan buryn qazaqstandyq Elena Rybakınanyń Palermo týrnırine qatysatynyn jazǵan bolatynbyz.