Tennıs: Qulambaeva men Lomakın Shymkent týrnırinde ozyq shyqty
ShYMKENT. QazAqparat - Shymkent qalasynda erler men áıelder arasynda tennısten ITF týrnıri márege jetti.
Qazaqstan tennıs federatsııasy málim etkendeı, júlde qory 15 myń AQSh dollaryna baǵalanǵan jarysta Jibek Qulambaeva men Grıgorıı Lomakın juptyq synda úzdik óner kórsetti.
J.Qulambaeva polıak qyzy Marta Kýbkamen birge fınalda reseılikter Ekaterına Reıngold - Ekaterına Shalımovany 6:4, 6:4 esebimen utty.
Ókinishke qaraı, jekeleı synda J.Qulambaeva sońǵy básekede reseılik Valerııa Olıanovskaıaǵa jol berdi - 5:7, 4:6.
G.Lomakın reseılik ıAn Bondarevskıımen birge fınalda qazaqstandyq Beıbit Jýkaev pen taǵy bir reseılik Marat Sharıpovty 7:5, 6:2 esebimen tize búktirdi.
Osylaısha G.Lomakın bıylǵy maýsymda úshinshi, sporttyq jolyndaǵy onynshy tıtýlyna qol jetkizdi.
Eske sala keteıik, budan buryn Elena Rybakınanyń Rolan Garros týrnıriniń tórtinshi aınalymyna shyqqanyn, Almatyda ótetin jarysta qazaqstandyqtardyń qarsylastary anyqtalǵanyn jazǵan bolatynbyz.
