Tennıs: Kýkýshkınniń Sofııa týrnırindegi qarsylasy belgili boldy
ASTANA. QazAqparat - Qazaqstannyń birinshi, álemniń 55-raketkasy Mıhaıl Kýkýshkın Bolgarııanyń Sofııa qalasynda ótetin halyqaralyq týrnırge qatysady, dep habarlaıdy QazAqparat tilshisi.
Júlde qory 586 myńnan astam AQSh dollaryna baǵalanǵan atalmysh týrnır 4-10 aqpan aralyǵynda ótedi.
Qazaqstandyq tennısshi alǵashqy aınalymda álemdik reıtıngte 88-satyda turǵan serbııalyq Laslo Deremen kezdesedi.
Dúnıejúzilik reıtıngte 11 jáne 12-orynda turǵan reseılik Karen Hachanov pen grekııalyq Stefanos Tsıtsıpas osy týrnırdiń birinshi jáne ekinshi raketkalary bolyp tirkelgen. Olar jarysty ekinshi aınalymnan bastaıdy.
Eske sala keteıik, buǵan deıin Astanada ótken Devıs kýbogynyń irikteý kezeńinde Mıhaıl Kýkýshkın sheshýshi básekede jeńiske jetip, Qazaqstandy fınalǵa shyǵarǵanyn jazǵan bolatynbyz.
Sondaı-aq taǵy bir qazaqstandyq tennısshi Elena Rybakına Aýstralııa týrnıriniń jeńimpazy atandy .
Sonymen qatar búgin Dmıtrıı Popko Beston qalasyndaǵy (AQSh) týrnırde fınalda chılılik Alehandro Tabılomen sheberlik baıqasady.
