Tennıs: Kýkýshkınniń Rotterdam týrnırindegi qarsylasy anyqtaldy
ASTANA. QazAqparat - Qazaqstannyń birinshi, álemniń 55-raketkasy Mıhaıl Kýkýshkınniń Rotterdam (Nıderlandy) týrnırindegi qarsylasy anyqtaldy, dep habarlaıdy QazAqparat tilshisi.
Júlde qory 2 mln AQSh dollarynan asatyn jarystyń alǵashqy aınalymynda qazaqstandyq tennısshi kort ıesi, reıtıngte ózinen bir saty joǵary turǵan Robın Hasemen kúsh synasady.
Qazirgi kezde irikteý saıystary ótip jatqan týrnır 17 aqpanda márege jetedi.
Dúnıejúzilik reıtıngte 7-orynda turǵan japonııalyq Keı Nısıkorı jarystyń 1-raketkasy bolyp tirkelgen. Týrnırdiń ótken jylǵy chempıony, álemniń 6-raketkasy, ataqty shveıtsarııalyq Rodjer Federer bıyl qatyspaıdy.
Eske sala keteıik, budan buryn A.Býblıktiń Býdapesht týrnıriniń fınalyna shyqqanyn, Astanada Federatsııa kýbogy úshin ótken fınaldyq matchta Zarına Dııastyń Chjen Saısaıdy utqanyn, ıÝlııa Pýtıntsevanyń qarsylasyna ese jibergenimen, juptyq kezdesýde Galına Voskoboeva men Anna Danılınanyń Qazaqstanǵa jeńis ápergenin jazǵan bolatynbyz.
