Tennıs: Kýkýshkınniń Madrıd týrnırindegi qarsylasy anyqtaldy
NUR-SULTAN. QazAqparat - Qazaqstannyń birinshi, álemniń 40-raketkasy Mıhaıl Kýkýshkınniń Madrıd týrnırindegi qarsylasy anyqtaldy, dep habarlaıdy QazAqparat tilshisi.
Júlde qory 6,5 mln eýrodan asatyn iri jarystyń alǵashqy aınalymynda qazaqstandyq tennısshi reıtıngte ózinen bir saty tómen turǵan, 35 jasar germanııalyq Fılıpp Kolshraıbermen kezdesedi.
Ony jeńgen jaǵdaıda álemniń 17-raketkasy, grýzııalyq Nıkoloz Basılashvılı nemese reıtıngte 31-oryndaǵy amerıkalyq Frensıs Tıafonyń bireýimen kortqa shyǵady.
M.Kýkýshkın osynyń aldyndaǵy Eshtorıl týrnırinde dál osy F.Tıafoǵa ese jibergen bolatyn.
Qazirgi kezde irikteý saıystary bolyp jatqan Madrıd týrnıri 12 mamyrda márege jetedi. Oǵan álemniń birinshi raketkasy, serbııalyq Novak Djokovıch, ıspanııalyq Rafael Nadal, osy jarystyń ótken jylǵy jeńimpazy, germanııalyq Aleksandr Zverev, shveıtsarııalyq Rodjer Federer syndy myqtylar qatysady.
Eske sala keteıik, budan buryn Zarına Dııastyń Japonııadaǵy Gıfý týrnıriniń jeńimpazy atanǵanyn, taǵy bir qazaqstandyq ıÝlııa Pýtıntsevanyń Madrıd týrnırin jeńispen bastaǵanyn jazǵan bolatynbyz.
