Tennıs: Kýkýshkınniń Dýbaı týrnırindegi qarsylasy anyqtaldy
ASTANA. QazAqparat - Qazaqstannyń birinshi, álemniń 50-raketkasy Mıhaıl Kýkýshkınniń Dýbaı týrnırindegi qarsylasy belgili boldy, dep habarlaıdy QazAqparat tilshisi.
Júlde qory 2,9 mln jýyq AQSh dollaryn quraıtyn aıtýly dodanyń alǵashqy aınalymynda qazaqstandyq sportshy osy týrnırdiń 6-raketkasy bolyp tirkelgen, dúnıejúzilik reıtıngte 13-orynda turǵan horvatııalyq Borna Chorıchpen kezdesedi.
Dýbaı týrnıriniń irikteý saıystaryna qatysqan taǵy bir qazaqstandyq, reıtıngte 187-oryndaǵy Aleksandr Nedovesov Belarýs eliniń ókili, álemniń 161-raketkasy Egor Gerasımovke ese jiberdi.
Áıelder arasyndaǵy Dýbaı týrnıri keshe márege jetip, onda jarysty tamasha ótkizgen 21 jasar shveıtsarııalyq, reıtıngte 45-satydaǵy Belında Benchıch fınalda chehııalyq, álemniń 4-raketkasy Petra Kvıtovany utyp, jeńimpaz atandy.
Qazaqstandyqtar ıÝlııa Pýtıntseva men Zarına Dııas alǵashqy aınalymnan asa almady.
Búgin Mıhaıl Kýkýshkın júlde qory 744 010 eýroǵa baǵalanǵan Marsel (Frantsııa) týrnıriniń fınalynda álemniń 12-raketkasy, grekııalyq Stefanos Tsıtsıpaspen kortqa shyǵady.
Buǵan deıin sporttyq jolynda qazaqstandyq tennısshi 2010 jyly Sankt-Peterbýrg týrnıriniń chempıony atanǵan edi. Endi taǵy bir sondaı múmkindik týyp tur.
Eske sala keteıik, budan buryn M.Kýkýshkınniń reıtıngte úzdik elýlikke engenin jazǵan bolatynbyz. Sodan keıin ol Marsel týrnırin sátti bastady. Sosyn jarystyń shırek, jartylaı fınalyna jáne keshe sońǵy básekege joldama aldy.
