Tennıs: Kýkýshkınniń Býdapesht týrnırindegi qarsylasy belgili boldy
NUR-SULTAN. QazAqparat - Qazaqstannyń birinshi raketkasy Mıhaıl Kýkýshkınniń Býdapesht týrnırindegi qarsylasy belgili boldy, dep habarlaıdy QazAqparat tilshisi.
Búgin jańartylǵan dúnıejúzilik reıtıngte 42-den 40-orynǵa joǵarylaǵan qazaqstandyq tennısshi alǵashqy aınalymda álemniń 55-raketkasy, ıtalııalyq Matteo Berrettınımen kezdesedi.
Ony utqan jaǵdaıda álemniń 77-raketkasy, aýstralııalyq Bernard Tomıch nemese reıtıngte 74-oryndaǵy slovenııalyq Alıaj Bedeneniń bireýimen sheberlik baıqasady.
Reıtıngte sondaı-aq qazaqstandyqtar Aleksandr Býblık 100-den 98-ge, Dmıtrıı Popko 620-dan 615-satyǵa kóterildi.
A.Býblık Meksıkadaǵy Leon chellendjer týrnıriniń 1-raketkasy bolyp tirkelgendikten, jarysty ekinshi aınalymnan bastaıdy.
Taǵy bir qazaqstandyq, álemniń 312-raketkasy Denıs Evseev AQSh-taǵy Tallahassı chellendjer týrnırinde 344-oryndaǵy úndistandyq Sýmıt Nagalmen kortqa shyǵady.
Áıelder arasynda 161-orynda turǵan qazaqstandyq Elena Rybakına Ystanbulda irikteý saıysynyń fınalynda álemniń 142-raketkasy, vengrııalyq Tımeıa Baboshpen kúsh synasady. Ony utsa, negizgi týrnırge joldama alady.
Eske sala keteıik, budan buryn Mıhaıl Kýkýshkınniń Monte-Karlo týrnıriniń úshinshi aınalymyna óte almaǵanyn, Dmıtrıı Popkonyń AQSh-taǵy týrnırdiń fınalyna shyǵyp, jeńimpaz atanǵanyn jazǵan bolatynbyz.
Al Qazaqstannyń áıelder quramasy Londonda Ulybrıtanııadan jeńilip qaldy.
