Tennıs: Kýkýshkın juptyq synda «Rolan Garros» týrnıriniń jartylaı fınalyna shyǵa almady

Qazaqstandyq-belgııalyq jup shırek fınalda osy jarystyń 3-raketkalary, kolýmbııalyqtar Hýan-Sebastıan Kabal men Robert Farahpen kúsh synasty.

Birinshi partııada qos birdeı breık jasaǵan kolýmbııalyq jup 6:2 esebimen jeńiske jetti.

Ekinshi sette de kolýmbııalyqtar esep 3:2 bolǵan mezette breık jasap ketti - 4:2. Olar taǵy bir breıkpen oıyndy túıindedi - 6:2.

Kezdesý bir saǵattan sál astam ýaqytqa sozyldy.

M.Kýkýshkın juptyq synda óner kórsetýge mamandanǵan sportshy emes. Ol negizinen jekeleı synda jarystarǵa qatysady. Soǵan qaramastan, I.Flıgenmen jup quryp, óz sporttyq jolynda alǵash ret «Úlken dýlyǵa» týrnıriniń shırek fınalyna deıin jetti. Muny jaqsy tabys dep esepteýge bolady.

Almatyda erler arasyndaǵy chellendjer týrnıri qazaqstandyqtar úshin sátsiz bastaldy.

Reıtıngte 615-orynda turǵan Tımofeı Skatov alǵashqy aınalymda álemniń 323-raketkasy, argentınalyq Andrea Kollarınımen kezdesti. 1 saǵat 15 mınýtqa sozylǵan matchta argentınalyq sportshy qarsylasyn 6:3, 6:2 esebimen tize búktirdi.

A.Kollarını ekinshi aınalymda osy týrnırdiń 8-raketkasy bolyp tirkelgen, reıtıngte 189-satydaǵy Aleksandr Nedovesovpen sheberlik baıqasady.

Taǵy bir qazaqstandyq, 601-oryndaǵy A.Golýbev reıtıngte 262-satyda turǵan ıspanııalyq Nıkola Kýnmen kortqa shyqty. Birinshi sette N.Kýn 6:3 esebimen basymdylyǵyn kórsetse, A.Golýbev ekinshisinde ese qaıyra aldy - 6:2. Áıtse de sheshýshi, úshinshi sette A.Golýbevtiń tiresýge shamasy jetpedi - 2:6. Tartysty báseke 2 saǵat 16 mınýtqa sozyldy.

Qazaqstannyń taǵy bir ókili, dúnıejúzilik reıtıngte 308-orynda turǵan D.Evseev alǵashqy aınalymda álemniń 274-raketkasy, shveıtsarııalyq Mark-Andrea Hıýslerdi synap kórmek.

Eske sala keteıik, budan buryn Kýkýshkınniń juptyq synda «Rolan Garros» týrnıriniń shırek fınalyna shyqqanyn, Almatyda erler arasynda chellendjer jarysy bastalǵanyn jazǵan bolatynbyz.