Tennıs: Kýkýshkın juptyq synda «Rolan Garros» týrnıriniń shırek fınalyna shyqty
NUR-SULTAN. QazAqparat - Qazaqstandyq Mıhaıl Kýkýshkın belgııalyq Ioran Flıgenmen birge juptyq synda «Rolan Garros» týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq-belgııalyq jup úshinshi aınalymda argentınalyqtar Federıko Delbonıs jáne Gılermo Dıýranmen kúsh synasty.
Birinshi partııany argentınalyq sportshylar sátti ótkizdi - 6:2.
Ekinshi sette Kýkýshkın men Flıgen taı-breıkte tarazy basyn aýdara bildi - 7:6 (7:5).
Úshinshi, sheshýshi partııada olar 6:4 esebimen jeńiske jetti.
Tartysty báseke eki saǵatqa jýyq ýaqytqa sozyldy.
Kýkýshkın men Flıgen jartylaı fınalǵa shyǵý úshin osy jarystyń 3-raketkalary, kolýmbııalyqtar Hýan-Sebastıan Kabal men Robert Farah nemese Nıderlandy eliniń ókili Robın Hase men danııalyq Frederık Nılsen juptarynyń qaı jeńgenimen talasady.
Eske sala keteıik, budan buryn M.Kýkýshkınniń juptyq synda «Rolan Garrostyń» úshinshi aınalymyna shyqqanyn jazǵan bolatynbyz.
