Tennıs: Kýkýshkın juptyq synda «Rolan Garros» týrnırin sátti bastady
NUR-SULTAN. QazAqparat - Qazaqstandyq Mıhaıl Kýkýshkın belgııalyq Ioran Flıgenmen birge juptyq synda «Rolan Garros» týrnırin sátti bastady, dep habarlaıdy QazAqparat tilshisi.
Qazaqstandyq-belgııalyq jup alǵashqy aınalymda moldovalyq Radý Albot pen týnıstik Malık Jazırımen kezdesti.
Kýkýshkın men Flıgen birinshi partııada 6:3 esebimen utsa, ekinshisinde dál sondaı eseppen ese jiberdi. Degenmen úshinshi, sheshýshi sette match taǵdyryn sheshe bildi - 6:4.
Báseke eki saǵattan astam ýaqytqa sozyldy.
Kýkýshkın men Flıgen ekinshi aınalymda ýrýgvaılyq Pablo Kýevas pen ıspanııalyq Felısıano Lopespen sheberlik baıqasady.
Áıelder arasynda rýmynııalyq Krıstına-Andrea Mıtýmen juptasqan qazaqstandyq ıÝlııa Pýtıntseva reseılik Darıa Kasatkına men estonııalyq Anett Kontaveıtten 4:6, 1:6 esebimen jeńilip, jarys jolynan birden shyǵyp qaldy.
Osylaısha Qazaqstannyń birinshi, álemniń 28-raketkasy ıÝ.Pýtıntseva úshin bıylǵy «Rolan Garros» sátsiz boldy. Ol jekeleı synda da alǵashqy aınalymnan asa almaǵan edi.
Taǵy bir qazaqstandyq Galına Voskoboeva reseılik Veronıka Kýdermetovamen birge bastapqy kezdesýin ataqty aýstralııalyq Samanta Stosýr men qytaılyq Shýaı Chjanmen ótkizedi.
Eske sala keteıik, budan buryn M.Kýkýshkın men Elena Rybakınanyń alǵashqy aınalymnan asa almaǵanyn, Zarına Dııastyń jeńilip qalǵanyn jazǵan bolatynbyz.
