Tennıs: Kýkýshkın Jeneva týrnıriniń ekinshi aınalymynan asa almady
ORAL. QazAqparat - Qazaqstandyq Mıhaıl Kýkýshkın Jeneva qalasynda tennısten ótip jatqan týrnırdiń ekinshi aınalymynda japondyq sportshy Keı Nısıkorımen kúsh synasty, dep habarlaıdy «QazAqparat» tilshisi.
«Eýrosport» telearnasynan tikeleı efırde kórsetkenindeı, M.Kýkýshkın birinshi partııada ataqty qarsylasymen taıtalasyp-aq baqty, tipti jeńetindeı múmkindigi bolmaı qalǵan joq. Qazaqstandyq tennısshi álemdik reıtıngte 88-inshi orynda tursa, K.Nısıkorı toǵyzynshy satyda keledi. Sondyqtan japondyq sportshynyń sheshýshi sátterde sheberligi kórinip turdy. Ol birinshi partııany 6:4 esebimen utsa, ekinshisinde birden 3:0 esebimen alǵa ketti. Aqyry bul partııany da 6:3 esebimen óz paıdasyna jazyp, shırek fınalǵa joldama aldy. Al birinshi aınalymda Italııa eliniń ókili Roberto Markorany 6:2, 6:2 esebimen tize búktirgen M.Kýkýshkın endi álem birinshiligimen teń sanalatyn «Úlken dýlyǵa» týrnıriniń biri, qazirgi kezde irikteý saıystary ótip jatqan Frantsııanyń ashyq chempıonaty - Rolan Garrosqa daıyndalatyn bolady.
Aıta keteıik, júlde qory 536 774 AQSh dollaryn quraıtyn Jeneva týrnıri 27 mamyrda márege jetedi.
