Tennıs: Kýkýshkın Venanyń negizgi týrnırinde óner kórsetedi
ASTANA. QazAqparat - Qazaqstannyń birinshi, álemniń 73-inshi raketkasy Mıhaıl Kýkýshkın Venanyń negizgi týrnırine joldama aldy, dep habarlaıdy QazAqparat tilshisi.
Qazaqstandyq tennısshi irikteý saıystarynyń fınalynda burynǵy otandasy, reseılik, reıtıngte 78-inshi oryndaǵy Andreı Rýblevpen kúsh synasty.
M.Kýkýshkın 1 saǵat 12 mınýtqa sozylǵan matchta 6:2, 6:3 esebimen jeńiske jetti.
Osylaısha, tennısshiler ózara úsh kezdesý ótkizse, sonyń ekeýinde M.Kýkýshkın basym túsip otyr.
Júlde qory 2 mln AQSh dollarynan asatyn Vena týrnıriniń alǵashqy aınalymynda qazaqstandyq tennısshi osy týrnırdiń úshinshi raketkasy bolyp tirkelgen, reıtıngte 9-ynshy oryndaǵy bolgarııalyq GrıgorDımıtrovpen sheberlik baıqasady.
Aıtýly doda 28 qazan kúni márege jetedi. Ótken jyly fınalda frantsııalyq Lıýka Pýı óziniń otandasy Jo-Vılfrıd Tsongany tize búktirip, jeńimpaz atanǵan bolatyn.
Bıylǵy týrnırde reıtıngte 7-inshi oryndaǵy avstrııalyq Domınık Tım birinshi raketka bolyp tirkeldi.
