Tennıs: Kýkýshkın Venada álemniń 10-ynshy raketkasyn utty
ASTANA. QazAqparat - Qazaqstandyq tennısshi Mıhaıl Kýkýshkın Venatýrnıriniń alǵashqy aınalymynda álemniń 10-ynshy raketkasy, bolgarııalyq Grıgor Dımıtrovpen kúsh synasty, dep habarlaıdy QazAqparat tilshisi.
G. Dımıtrov osy týrnırdiń úshinshi raketkasy bolyp tirkelse, M.Kýkýshkın álemdik reıtıngte 71-inshi orynda keledi.
Asa tartysty ótken matchta qazaqstandyq tennısshi sheberligin asyryp, 6:4, 4:6, 6:4 esebimen jeńiske jetti.
2 saǵat 25 mınýtqa sozylǵan kezdesýde Kýkýshkın 11 breık-poınttyń ekeýin paıdalana bildi. Dımıtrov 1 ǵana breık jasaı aldy.
Osylaısha qarsylastar ózara barlyǵytórt match ótkizse, sonyń úsheýinde qazaqstandyq sportshy jeńiske jetip otyr.
Ekinshi aınalymda M.Kýkýshkın reseılik, reıtıngte 76-ynshy oryndaǵy Andreı Rýblevpen sheberlik baıqasady. Ony jeńse, shırek fınalda álemniń 40-ynshy raketkasy, vengrııalyq Marton Fýchovıchpen kortqa shyǵady.
Bir qyzyǵy, osy týrnırdiń irikteý saıystarynyń fınalynda M.Kýkýshkın men A.Rýblevtiń joldary toqaılasyp, onda qazaqstandyq tennısshi burynǵy otandasyn 6:2, 6:3 esebimen tize búktirgen bolatyn. Keıin negizgi týrnırge lakı-lýzer esebinde qosylǵan A.Rýblev birinshi aınalymda amerıkalyq Denıs Kýdlany 7:6 (7:3), 6:0-men utqan edi.
Eske sala keteıik, budan buryn M.Kýkýshkınniń júlde qory 2 mln AQSh dollarynan asatyn Venanyń negizgi týrnırine joldama alǵanyn jazǵan bolatynbyz.
Jarys 28 qazan kúni márege jetedi.
