Tennıs: Kýkýshkın Vena týrnıriniń jartylaı fınalyna shyqty
ASTANA. QazAqparat - Qazaqstannyń birinshi, álemniń 71-inshi raketkasy Mıhaıl Kýkýshkın Vena týrnıriniń shırek fınalynda vengrııalyq Marton Fýchovıchpen kúsh synasty, dep habarlaıdy QazAqparat tilshisi.
Álemdik reıtıngte M.Fýchovıchtiń 40-ynshy satyda turǵanyna qaramastan, jartylaı fınal joldamasyn sarapqa salǵan match asa tartysty órbidi.
Birinshi partııada vengrııalyq tennısshi 6:4 esebimen basym tústi.
Ekinshi set shıelenise túsip, aqyry taı-breıkke deıin jetti. Munda qazaqstandyq sportshy 7:2 esebimen taı-breıkti óz esebine jazdy.
Úshinshi, sheshýshi partııa taǵdyry da taı-breıkte sheshildi. Esep 3:3 bolǵan mezette T.Fýchovıch mınıbreık jasap, alǵa shyqty. Degenmen budan keıin M.Kýkýshkın qatarynan eki márte breık jasap, aqyry matchty jeńispen aıaqtady - 7:4.
Tartysty kezdesý 3 saǵat 21 mınýtqa sozyldy.
Mıhaıl Kýkýshkın fınalǵa shyǵý úshin álemniń 7-inshi raketkasy, avstrııalyq Domınık Tım nemese reıtıngte 11-inshi oryndaǵy japonııalyq Keı Nısıkorıdiń qaı jeńgenimen talasady.
Eske sala keteıik, budan buryn M.Kýkýshkınniń Vena týrnıriniń shırek fınalyna shyqqanyn jazǵan bolatynbyz.
Júlde qory 2 mln AQSh dollarynan asatyn atalmysh jarys 28 qazan kúni márege jetedi.
