Tennıs: Kýkýshkın Vena týrnıriniń shırek fınalyna shyqty
ASTANA. QazAqparat - Qazaqstannyń birinshi, álemniń 71-inshi raketkasy Mıhaıl Kýkýshkın Vena týrnıriniń shırek fınalyna shyqty, dep habarlaıdy QazAqparat tilshisi.
M.Kýkýshkın júlde qory 2 mln AQSh dollarynan asatyn atalmysh jarystyń ekinshi aınalymynda reıtıngte 76-ynshy oryndaǵy reseılik Andreı Rýblevpen kezdesti.
Birshama tartysty ótken matchta qazaqstandyq tennısshi 7:6 (7:4), 6:4 esebimen utty.
Báseke 1 saǵat 47 mınýtqa sozyldy. M.Kýkýshkın 4 breık-poınttyń úsheýin paıdalana bilse, A.Rýblev buǵan qos breıkpen ǵana jaýap qaıyrdy.
Qazaqstandyq sportshy reseılik qarsylasyn osy týrnırdiń irikteý saıysynda da jeńgen bolatyn. Keıin A.Rýblev lakı-lýzer retinde negizgi jarysqa qaıta qosylǵan-dy.
Mıhaıl Kýkýshkın jartylaı fınalǵa shyǵý úshin álemniń 40-ynshy raketkasy, vengrııalyq Marton Fýchovıchpen talasady.
Eske sala keteıik, budan buryn M.Kýkýshkınniń álemniń 10-ynshy raketasy, bolgarııalyq Grıgor Dımıtrovtyń meselin qaıyrǵanyn jazǵan bolatynbyz.
Vena týrnıri 28 qazan kúni márege jetip, jeńimpaz anyqtalady.
