Tennıs: Kýkýshkın Vena týrnıriniń fınalyna shyǵa almady
ASTANA. QazAqparat - Qazaqstannyń birinshi, álemniń 71-inshi raketkasy Mıhaıl Kýkýshkın Vena týrnıriniń jartylaı fınalynda japonııalyq Keı Nısıkorımen kúsh synasty, dep habarlaıdy QazAqparat tilshisi.
Munyń aldynda japonııalyq tennısshi osy týrnırdiń birinshi raketkasy bolyp tirkelgen, álemdik reıtıngte 7-inshi orynda turǵan avstrııalyq Domınık Tımdi utqan edi. Sondyqtan bul kezdesýdiń favorıti reıtıngte 11-inshi oryndaǵy K.Nısıkorıdiń bolýy zańdy edi.
Birinshi partııany japondyq tennısshi 6:4 esebimen utty.
Ekinshi sette K.Nısıkorı 3:0 esebimen alǵa shyqty. Aqyry sol basymdylyǵynan aıyrylmaı, bul partııany da jeńispen aıaqtady - 6:3.
Kezdesý 1 saǵat 30 mınýtqa sozyldy.
K.Nısıkorı fınalda reıtıngte 30-ynshy oryndaǵy, ıspanııalyq Fernando Verdasko nemese ońtústikafrıkalyq, álemniń 8-inshi raketkasy Kevın Andersonnyń bireýimen chempıondyq ataqty sarapqa salady.
Osylaısha buǵan deıin tabysty óner kórsetken M.Kýkýshkın júlde qory 2 mln AQSh dollarynan asatyn Vena týrnıriniń fınalyna shyǵa almady.
Eske sala keteıik, budan buryn M.Kýkýshkınniń Vena týrnıriniń jartylaı fınalyna shyqqanyn jazǵan bolatynbyz.
Atalmysh jarys erteń márege jetip, jeńimpaz anyqtalady.
