Tennıs: Kýkýshkın Vena týrnırinde jeńilip qaldy
NUR-SULTAN. QazAqparat – Qazaqstandyq Mıhaıl Kýkýshkın Vena ATP týrnıriniń shırek fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 57-orynda turǵan M.Kýkýshkın ekinshi aınalymda álemniń 34-raketkasy, ıspanııalyq Pablo Karreno-Býstamen kezdesti.
Tartysty órbigen birinshi partııa taı-breıkke deıin jetip, onda qazaqstandyq sportshy sheberligin tanytty – 7:6 (7:3).
Ekinshi sette kerisinshe ıspanııalyq tennısshi ese qaıyrdy – 6:4.
Úshinshi, sheshýshi partııada Karreno-Býsta breıkpen alǵa shyqty – 2:0. Taǵy bir breık – 4:1. Aqyry matchty breıkpen túıindedi – 6:1.
Tartysty báseke 2 saǵat 19 mınýtqa sozyldy.
Karreno-Býsta jarystyń (júlde qory – 2 433 810 AQSh dollary) jartylaı fınalyna shyǵý úshin álemniń 5-raketkasy, aýstrııalyq Domınık Tım nemese reıtıngte 40-satydaǵy taǵy bir ıspanııalyq Fernando Verdaskonyń bireýimen talasady.
Eske sala keteıik, budan buryn M.Kýkýshkınniń Vena týrnırin jeńispen bastaǵanyn, al A.Býblıktiń utylyp qalǵanyn jazǵan bolatynbyz.
Búgin elordada Nadal men Djokovıchtiń kezdesýi bastalyp, onda ıspanııalyq tennısshi utty.
