Tennıs: Kýkýshkın US Open týrnıriniń úshinshi aınalymyna shyqty
NUR-SULTAN. QazAqparat – Qazaqstandyq Mıhaıl Kýkýshkın US Open týrnıriniń úshinshi aınalymyna shyqty, dep habarlaıdy QazAqparat tilshisi.
Dúnıejúzilik reıtıngte 90-orynda turǵan M.Kýkýshkın ekinshi aınalymda álemniń 19-ynshy, osy dodanyń 13-raketkasy, chılılik Krıstıan Garınmen sheberlik baıqasty.
M.Kýkýshkın bıyl 33-ke tolatyn bolsa, qarsylasy 26 jasta edi.
Qazaqstandyq tennısshi birinshi partııada 6:2 esebimen basym tússe, ekinshi sette qarqynyn kemitken joq – 6:1.
Úshinshi sette kerisinshe K.Garın breıkpen alǵa shyqty – 3:1. M.Kýkýshkın esepti qysqartqanymen, qarsylasy qaıyra breıkke qol jetkizdi – 4:2. Aqyry ol osy basymdylyǵynan aıyrylǵan joq – 6:3.
Tórtinshi partııada esep 1:1 bolǵannan keıin chılılik tennısshi qos birdeı breıkpen alǵa ketti – 4:1. Qazaqstandyq sportshy tarazy basyn teńestirgenimen, qarsylasynyń taǵy bir breık jasaýyna múmkindik berip qoıdy – 4:5. Sosyn K.Garın setti óz esebine jazdy – 6:4.
Sheshýshi, besinshi sette áýeli breık jasaǵan chılılik alǵa ketti – 3:1. Degenmen Kýkýshkın de qalyspady – 3:3. Esep 6:5 bolǵanda, qazaqstandyq tennısshi matchbolyn paıdalana bildi – 7:5.
Asa tartysty ótken match 3 saǵat 55 mınýtqa sozyldy.
M.Kýkýshkın júlde qory 53,4 mln AQSh dollaryna baǵalanǵan jarystyń úshinshi aınalymynda álemniń 63-raketkasy, aýstralııalyq Djordan Tompsonmen kezdesedi.
M.Kýkýshkın ótken jyly ekinshi aınalymnan asa almaǵan edi. Bıyl qazirdiń ózinde sol kórsetkishin jaqsartyp otyr.
Taǵy bir qazaqstandyq, álemniń 165-raketkasy Dmıtrıı Popko Ostrava (Chehııa) chellendjer týrnırin jeńispen bastady. Ol alǵashqy aınalymda reıtıngte 179-orynda turǵan reseılik Roman Safıýllındi 6:3, 1:6, 6:3 esebimen utty. D.Popko shırek fınalǵa shyǵý úshin álemniń 225-raketkasy, chehııalyq Zdenek Kolarmen talasady.
Sondaı-aq Andreı Golýbev ýrýgvaılyq Arıel Beharmen birge juptyq synda Kordenons (Italııa) chellendj jarysynyń shırek fınalyna shyqty. Olar birinshi kezdesýinde ıtalııalyqtar Franchesko Maestrellı men Lýka Nardıdi 6:0, 6:4 esebimen tize búktirdi. Qazaqstandyq-ýrýgvaılyq jup endi ıtalııalyqtar Matteo Marfıa men Danıelo Valentınony utsa, jartylaı fınalǵa shyǵady.
Eske sala keteıik, budan buryn ıÝlııa Pýtıntsevanyń US Open týrnıriniń úshinshi aınalymyna shyqqanyn jazǵan bolatynbyz.
