Tennıs: Kýkýshkın US Open týrnıriniń irikteý saıysyn jeńispen bastady
NUR-SULTAN. QazAqparat – Qazaqstandyq, álemniń 129-raketkasy Mıhaıl Kýkýshkın US Open týrnıriniń irikteý saıysyn jeńispen bastady, dep habarlaıdy QazAqparat tilshisi.
Іrikteý saıystarynyń 13-raketkasy bolyp tirkelgen M.Kýkýshkın bastapqy kezdesýin dúnıejúzilik reıtıngte 193-oryndaǵy frantsııalyq Matıas Býrkpen ótkizdi.
Tartysty matchta qazaqstandyq tennısshi 4:6, 6:3, 7:6 (7:2) esebimen jeńiske jetti.
2 saǵat 40 mınýtqa sozylǵan básekede M.Kýkýshkın 8 eıs jasap, 10 breık-poınttyń ekeýin paıdalandy. Qarsylasy 11 eıs, 2 breıkke (6 breık-poınt) qol jetkizdi.
M.Kýkýshkın irikteý saıystarynyń jartylaı fınalynda álemniń 168-raketkasy, taıbeılik Djeıson Djangpen sheberlik baıqasady.
Taǵy bir qazaqstandyq, reıtıngte 182-satyda turǵan Dmıtrıı Popko ózinen úsh saty joǵary turǵan slovenııalyq Blaj Roladan 2:6, 5:7 esebimen utylyp qaldy.
Eske sala keteıik, budan buryn qazaqstandyq tennısshilerdiń US Open týrnıriniń irikteý saıysynda baq synaıtynyn jazǵan bolatynbyz.
