Tennıs: Kýkýshkın US Open týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 84-inshi raketkasy Mıhaıl Kýkýshkın US Open týrnıriniń alǵashqy aınalymynda amerıkalyq Noı Rýbınmen kezdesti, dep habarlaıdy QazAqparat tilshisi.
N.Rýbın dúnıejúzilik reıtıngte 135-inshi satyda turǵanyna qaramastan, qazaqstandyq tennısshige barynsha qarsylasyp baqty. Onyń ústine kort ıesi bolǵandyqtan, jankúıerler únemi qoldaý kórsetip otyrdy.
Birinshi jáne ekinshi partııada M.Kýkýshkın 6:3, 6:1 esebimen basymdylyq kórsetti. Esesine úshinshi sette N.Rýbın ese qaıyrdy - 6:4.
Tórtinshi partııada esep 5:4 bolǵan mezette Mıhaıl Kýkýshkın matchqa dop berdi. Alaıda sheshýshi sátte amerıkalyq sportshy breık jasap, tarazy basyn teńestirip, odan keıin óz geımin alyp, 6:5 esebimen alǵa shyqty. Degenmen Mıhaıl esepti qaıta teńestirip, taı-breıkte 7:3 esebimen aılasyn asyra bildi.
Kezdesý 2 saǵat 41 mınýtqa sozyldy.
M.Kýkýshkın ekinshi aınalymda álemniń 23-inshi raketkasy, ońtústikkoreıalyq Chhýn Hen nemese reıtıngte 104-inshi oryndaǵy lıtvalyq Rıchardas Berankıstiń qaı jeńgenimen kezdesedi.
Eske sala keteıik, budan buryn áıelder arasynda Zarına Dııastyń álemniń 8-inshi raketkasy, chehııalyq Karolına Plıshkovaǵa jol bergenin jazǵan bolatynbyz.
Taǵy bir qazaqstandyq tennısshi, álemniń 50-inshi raketkasy ıÝlııa Pýtıntseva bastapqy kezdesýin amerıkalyq, reıtıngte 92-inshi orynda turǵan Bernardo Peramen ótkizedi.
