Tennıs: Kýkýshkın Ýımbldonda týrnırdiń 9-raketkasyn utty
NUR-SULTAN. QazAqparat - Qazaqstandyq Mıhaıl Kýkýshkın Ýımbldon týrnıriniń úshinshi aınalymyna shyqty, dep habarlaıdy QazAqparat tilshisi.
Dúnıejúzilik reıtıngte 58-orynda turǵan M.Kýkýshkın ekinshi aınalymda álemniń 12-inshi, osy týrnırdiń 9-raketkasy, amerıkalyq Djon Iznermen kúsh synasty.
Osyǵan deıin qarsylastar ózara tórt kezdesý ótkizip, sonyń bárinde de amerıkalyq tennısshi jeńiske jetken eken.
Bul joly birinshi partııada breık jasap, 4:2 esebimen alǵa ketken qazaqstandyq tennısshi sol basymdylyǵynan aıyrylǵan joq - 6:4.
Ekinshi set taı-breıkke ulasyp, amerıkalyq sportshy sátti óner kórsetti - 7:3.
Úshinshi partııany breık jasaǵan D.Izner óz paıdasyna jazdy - 6:4.
Esesine tórtinshi sette M.Kýkýshkın qos birdeı breıkpen ese qaıyrdy - 6:1.
Besinshi, sheshýshi partııada breık jasaı bilgen M.Kýkýshkın matchty jeńispen túıindeı bildi - 6:4.
Tartysty báseke 3 saǵat 8 mınýtqa sozyldy.
M.Kýkýshkın úshinshi aınalymda álemniń 33-raketkasy, germanııalyq ıAn-Lennard Shtrýffpen sheberlik baıqasady.
Eske sala keteıik, budan buryn M.Kýkýshkın Aleksandr Býblıkpen birge juptyq synda da bes settik match ótkizip, jeńiske jetken bolatyn.
