Tennıs: Kýkýshkın Ýımbldon týrnıriniń ekinshi aınalymyna shyqty
NUR-SULTAN. QazAqparat - Qazaqstannyń birinshi, álemniń 58-raketkasy Mıhaıl Kýkýshkın Ýımbldon týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 78-satyda turǵan ıspanııalyq Pablo Andýharmen kezdesti.
Birinshi partııada Mıhaıl Kýkýshkın breıkpen alǵa shyqty - 4:2. Osy basymdylyǵyn saqtaı bildi - 6:3.
Ekinshi sette de M.Kýkýshkın qarqynyn báseńdetken joq - 6:2.
Úshinshi partııada qazaqstandyq sportshy breıkpen qosa óz geımderin de aldy - 3:1. Aqyry ol matchty jeńispen támamdady - 6:4.
Báseke 2 saǵatqa jýyq ýaqytqa sozyldy.
M.Kýkýshkın ekinshi aınalymda álemniń 12-raketkasy, amerıkalyq Djon Izner nemese reıtıngte 62-satydaǵy norvegııalyq Kasper Rýýdtyń birimen sheberlik baıqasady.
Taǵy bir qazaqstandyq, álemniń 82-raketkasy Aleksandr Býblık reıtıngte 116-satydaǵy frantsııalyq Gregýar Barrermen kortqa shyqty.
A.Býblık birinshi partııany jeńispen bastady - 6:3. Alaıda qalǵan setterde 4:6, 3:6, 3:6 esebimen qarsylasyna ese jiberip, jarys jolynan shyǵyp qaldy.
Osylaısha Ýımbldon týrnırinde jekeleı synda Qazaqstannan M.Kýkýshkın men ıÝ.Pýtıntseva qaldy.
Eske sala keteıik, budan buryn ıÝlııa Pýtıntsevanyń Ýımbldonda álemniń 2-raketkasyn utqanyn, al 15 jasar qyzdyń osy týrnırdiń bes márte chempıonyn jeńgenin jazǵan bolatynbyz.
