Tennıs: Kýkýshkın Ýımbldon týrnırinde álemniń birinshi raketkasy Nadalmen kezdesedi
ASTANA. QazAqparat - Qazaqstannyń birinshi, álemniń 77-inshi raketkasy Mıhaıl Kýkýshkın Ýımbldon týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 97-inshi orynda turǵan kanadalyq Vashek Pospıshılmen kúsh synasty.
M.Kýkýshkın qarsylasyn 6:4, 3:6, 6:2, 6:3 esebimen tize búktirdi.
Tórt partııadan turǵan kezdesý 2 saǵat 11 mınýtqa sozyldy.
Qazaqstandyq sportshy ekinshi aınalymda álemniń birinshi raketkasy, ataqty ıspanııalyq tennısshi Rafael Nadalmen kortqa shyǵady.
R.Nadal alǵashqy matchynda Izraıl eliniń ókili Dýdı Selany 6:3, 6:3, 6:2 esebimen ońaı utty.
M.Kýkýshkın ótken jylǵy Ýımbldon týrnırinde ekinshi aınalymǵa deıin jetken bolatyn. Sondyqtan R.Nadaldan jeńilip qalǵannyń ózinde upaılaryn joǵaltpaýy tıis.
Áıelder arasyndaǵy Ýımbldon týrnırinde Qazaqstannyń birinshi, álemniń 53-inshi raketkasy ıÝlııa Pýtıntseva polıak qyzy, reıtıngte 80-inshi satyda turǵan Magda Lınetpen sheberlik baıqasady.
Ókinishke qaraı, Nottıngem týrnırinde alǵan jaraqatynan jazylmaǵan bolýy kerek, Zarına Dııas osynaý aıtýly dodadan tys qaldy.
