Tennıs: Kýkýshkın Sofııa týrnıriniń shırek fınalyna shyǵa almady
ASTANA. QazAqparat - Bolgarııanyń Sofııa qalasynda ótip jatqan halyqaralyq týrnırdiń ekinshi aınalymynda qazaqstandyq Mıhaıl Kýkýshkın frantsııalyq Gael Monfıspen kúsh synasty, dep habarlaıdy QazAqparat tilshisi.
Qazaqstandyq tennısshi álemdik reıtıngte 55-orynda tursa, osy týrnırdiń 7-raketkasy bolyp tirkelgen qarsylasy 33-satyda ornalasqan.
Tartysty ótken birinshi partııada Monfıs 7:5 esebimen sheberligin tanyta bildi.
Ekinshi sette esep 2:1 bolǵan mezette Kýkýshkın ózi dop bergende, múmkindigin paıdalana almady. Budan keıin taǵy bir breık jasaǵan Monfıs esepti 5:2-ge jetkizdi. Aqyry ol 6:3 esebimen jeńiske jetti.
Osylaısha M.Kýkýshkın júlde qory 586 myńnan astam AQSh dollaryna baǵalanǵan Sofııa týrnıriniń shırek fınalyna shyǵa almady.
Báseke 1 saǵat 18 mınýtqa sozyldy.
G.Monfıs jartylaı fınalǵa shyǵý úshin osy týrnırdiń 2-raketkasy bolyp tirkelgen grekııalyq, reıtıngte 12-satydaǵy Stefanos Tsıtsıpas nemese 51-orynda turǵan germanııalyq ıAn-Lennard Shtrýftyń bireýimen sheberlik baıqasady.
Eske sala keteıik, budan buryn M.Kýkýshkınniń Sofııa týrnırin sátti bastaǵanyn jazǵan bolatynbyz.
Sondaı-aq, aıta keteıik, osy kúnderi Astanadaǵy Ulttyq tennıs ortalyǵynda Federatsııa kýbogy jolyndaǵy irikteý saıystary ótýde. Alǵashqy kúni qazaqstandyqtar «A» tobynda Taıland quramasyn 3:0 esebimen tize búktirgen bolatyn.
7 aqpan kúni «A» tobynda Úndistan taılandtyqtardy 2:1 esebimen utty. «V» tobynda Qytaı qyzdary Ońtústik Koreıany, Indonezııa Okeanııany 3:0 esebimen jeńdi.
8 aqpanda Qazaqstan - Úndistan, Qytaı - Indonezııa, Koreıa - Okeanııa komandalary kezdesedi. Sodan keıin «A» jáne «V» tobynda jeńimpaz atanǵandar 9 aqpan kúni fınalda ekinshi Álemdik toptyń pleı-off kezeńine beriletin joldamany sarapqa salady.
