Tennıs: Kýkýshkın Sofııa týrnırin sátti bastady
ASTANA. QazAqparat - Bolgarııa astanasy Sofııada ótip jatqan halyqaralyq týrnırdiń alǵashqy aınalymynda qazaqstandyq Mıhaıl Kýkýshkın serbııalyq Laslo Deremen kezdesti, dep habarlaıdy QazAqparat tilshisi.
Qazaqstandyq tennısshi álemdik reıtıngte 55-orynda tursa, qarsylasy 88-satyda keledi.
Match asa tartysty órbip, birinshi partııa taı-breıkke deıin jetti. Onda M.Kýkýshkın 8:6 esebimen jeńiske jetti.
Ekinshi partııada esep 2:2 bolyp turǵan mezette qazaqstandyq sportshy breık jasaı bildi. Taǵy bir breıkke qol jetkizip, esep 5:2 bolyp, Mıhaıl matchqa dop bergenimen, qarsylasy da qarap qalmady. Qaıyra breık jasap, óz geımin jibermegen Laslo esepti qysqartty - 4:5. Degenmen budan keıin ózi dop bergende, Kýkýshkın osaldyq tanytqan joq - 6:4.
Báseke 1 saǵat 44 mınýtqa sozyldy.
M.Kýkýshkın ekinshi aınalymda osy týrnırdiń 7-raketkasy bolyp tirkelgen frantsııalyq belgili tennısshi, álemdik reıtıngte 33-satyda turǵan Gael Monfıspen kortqa shyǵady. Olar shırek fınal joldamasyn sarapqa salady. Keı sátterde ártistik qımyldarymen kórermender kóńilin ózine aýdara biletin Monfıspen bul kezdesýdiń qyzyqty óteri anyq.
Júlde qory 586 myńnan astam AQSh dollaryna baǵalanǵan Sofııa týrnıri 10 aqpanda márege jetip, jeńimpaz anyqtalady.
Eske sala keteıik, budan buryn M.Kýkýshkınniń Sofııa týrnırindegi qarsylasy anyqtalǵanyn, al búgin Astanadaǵy Qazaqstan - Taıland matchynda áýeli Zarına Dııastyń qarsylasyn tize búktirip, sosyn ıÝlııa Pýtıntsevanyń esepti eselegenin, qazaqstandyqtardyń juptyq synda da jeńiske jetkenin jazǵan bolatynbyz.
