Tennıs: Kýkýshkın Shanhaı týrnıriniń ekinshi aınalymyna shyqty
NUR-SULTAN. QazAqparat – Qazaqstandyq Mıhaıl Kýkýshkın Shanhaı ATP týrnıriniń ekinshi aınalymyna shyqty, dep habarlaıdy QazAqparat tilshisi.
Dúnıejúzilik reıtıngte 57-orynda turǵan M.Kýkýshkın alǵashqy aınalymda álemniń 50-raketkasy, serbııalyq Mıomır Ketsmanovıchpen kezdesti.
Qazaqstandyq tennısshi 7:6 (7:4), 6:4 esebimen jeńiske jetti.
Báseke 1 saǵat 43 mınýtqa sozyldy.
M.Kýkýshkın ekinshi aınalymda álemniń 14-raketkasy, belgııalyq Davıd Goffen nemese reıtıngte 52-satydaǵy frantsııalyq Rıshar Gaskeniń bireýimen sheberlik baıqasady.
Júlde qory 8,3 mln astam AQSh dollaryna baǵalanǵan Shanhaı dodasy 13 qazanda márege jetedi.
Eske sala keteıik, budan buryn A.Býblıktiń álemdik reıtıngte kóterilgenin, ıÝ.Pýtıntsevanyń Tıantszın týrnırin jeńispen bastaǵanyn jazǵan bolatynbyz.
