Tennıs: Kýkýshkın Shanhaı týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 83-inshi raketkasy Mıhaıl Kýkýshkın Shanhaı týrnıriniń alǵashqy aınalymynda ıspanııalyq Albert Ramos-Vınolaspen kezdesti, dep habarlaıdy QazAqparat tilshisi.
Dúnıejúzilik reıtıngte A.Ramos-Vınolastyń 50-inshi orynda turǵanyna qaramastan, match qazaqstandyq tennısshiniń paıdasyna sheshildi.
M.Kýkýshkın birinshi partııany 6:4, ekinshisin 6:2 esebimen utty.
Kezdesý 1 saǵat 24 mınýtqa sozyldy.
Bıylǵy «Rolan Garros» týrnıriniń alǵashqy aınalymynda qazaqstandyq tennısshi dál osy A.Ramos-Vınolasqa ese jibergen bolatyn. Búgin sonyń qarymtasyn qaıtardy deýge bolady.
M.Kýkýshkın ekinshi aınalymda álemniń 8-inshi raketkasy, ońtústikafrıkalyq Kevın Andersonmen kortqa shyǵady.
Eske sala keteıik, qazaqstandyq tennısshi júlde qory 7 mln AQSh dollarynan asatyn Shanhaı týrnırine irikteý saıystarynan keıin qosylǵan bolatyn.
