Tennıs: Kýkýshkın Shanhaı týrnırinde jeńilip qaldy
ASTANA. QazAqparat - Qazaqstandyq Mıhaıl Kýkýshkın Shanhaı týrnıriniń ekinshi aınalymynda ońtústikafrıkalyq Kevın Andersonmen kúsh synasty, dep habarlaıdy QazAqparat tilshisi.
M.Kýkýshkın dúnıejúzilik reıtıngte 83-inshi orynda tursa, osy jarystyń jetinshi raketkasy bolyp tirkelgen K.Anderson segizinshi satyda keledi. Sondyqtan Kevın Andersonnyń bul básekeniń favorıti ekendigi anyq-ty.
Birinshi partııada ońtústikafrıkalyq tennısshi esep 2:1 bolyp turǵan mezette breık jasaı bildi. Sóıtip ol bul basymdylyǵynan aıyrylǵan joq - 6:3.
Ekinshi sette de qos birdeı breık jasaǵan K.Anderson 6:2 esebimen matchty aıaqtady. Kezdesý 1 saǵat 5 mınýtqa sozyldy.
Kevın Anderson úshinshi aınalymda álemniń 15-inshi raketkasy, Grekııa eliniń ókili Stefanos Tsıtsıpaspen sheberlik baıqasady.
M.Kýkýshkın budan tórt jyl buryn dál osy jarystyń ekinshi aınalymynda K.Andersondy 6:4, 6:2 esebimen utqan bolatyn. Bul joly sol jetistigin qaıtalaı almady.
Eske sala keteıik, budan buryn qazaqstandyq tennısshiniń júlde qory 7 mln AQSh dollarynan asatyn Shanhaı týrnıriniń ekinshi aınalymyna shyqqanyn jazǵan bolatynbyz.
