Tennıs: Kýkýshkın Sankt-Peterbýrgte utylyp qaldy
NUR-SULTAN. QazAqparat - Qazaqstandyq Mıhaıl Kýkýshkın Sankt-Peterbýrg ATP 500 týrnırinde utylyp qaldy, dep habarlaıdy QazAqparat tilshisi.
Dúnıejúzilik reıtıngte 88-orynda turǵan M.Kýkýshkın alǵashqy aınalymda álemniń 41-raketkasy, serbııalyq Mıomır Ketsmanovıchpen kezdesti.
Birinshi partııada qazaqstandyq tennısshi breıkpen bastaǵanymen, oıyn tizginin qarsylasyna berip qoıdy - 1:4. Osy basymdylyqtan serbııalyq sportshy aıyrylǵan joq - 6:3.
Ekinshi sette esep 5:5 bolǵan mezette Ketsmanovıch breık jasap ketti. Sodan keıin úsh matchbolyn paıdalana alǵan joq. Degenmen ol taı-breıkte degenine jetti 7:6 (9:7).
Báseke 1 saǵat 35 mınýtqa sozyldy.
M.Ketsmanovıch ekinshi aınalymda ulybrıtanııalyq Kemeron Norrımen kortqa shyǵady.
M.Kýkýshkın budan 10 jyl buryn osy jarystyń jeńimpazy atanǵan bolatyn. Bul - onyń ATP týrnırlerindegi bir ǵana jeńisi.
Sondaı-aq osy kúnderi Italııanyń Kalıarı qalasynda Sardınııa ATP jarysy ótýde. Munda qazaqstandyqtar Andreı Golýbev pen Aleksandr Nedovesov juptyq synda alǵashqy matchynda-aq utylyp qaldy. Olar ulybrıtanııanyń Djonnı O'Mara men salvadorlyq Marselo Arevaloǵa 6:4, 5:7, 4:10 esebimen jol berdi.
Eske sala keteıik, budan buryn A.Býblıktiń Sankt-Peterbýrg týrnırin sátti bastaǵanyn jazǵan bolatynbyz.
Ol shırek fınalǵa shyǵý úshin kanadalyq Mılosh Raonıchpen kúsh synasady.
A.Býblık juptyq synda da amerıkalyq Reıllı Opelkamen birge bastapqy synnan súrinbeı ótti. Endi olar shırek fınalda reseılikter Karen Hachanov jáne Andreı Rýblevpen sheberlik baıqasady.
