Tennıs: Kýkýshkın Sankt-Peterbor týrnıriniń jartylaı fınalyna óte almady
NUR-SULTAN. QazAqparat - Qazaqstandyq Mıhaıl Kýkýshkın Sankt-Peterbor týrnıriniń jartylaı fınalyna shyǵa almady, dep habarlaıdy QazAqparat tilshisi.
Reıtıngte 57-orynda turǵan qazaqstandyq tennısshi shırek fınalda álemniń 64-raketkasy, portýgalııalyq Joaý Soýzamen kezdesti.
Birinshi partııa barysynda M.Kýkýshkın birneshe márte breık jasaıtyndaı múmkindikti múlt jiberdi. Taı-breıkti de tym-táýir bastap edi. Alaıda qarsylasynyń joly bolyp ketti - 7:6 (8:6).
Ekinshi sette Soýza birden breıkpen alǵa shyqty - 2:0. Aqyry sol qarqynyn údetpese, kemitken joq - 6:2.
Báseke 1 saǵat 50 mınýtqa sozyldy.
J.Soýza jartylaı fınalda álemniń 15-raketkasy, horvatııalyq Borna Chorıchpen sheberlik baıqasady.
Eske sala keteıik, budan buryn M.Kýkýshkınniń Sankt-Peterbor jarysynyń sırek fınalyna shyqqanyn, al Zarına Dııastyń Ýhan týrnıriniń irikteý saıysyn sátti bastaǵanyn jazǵan bolatynbyz.
