Tennıs: Kýkýshkın Sankt-Peterbor týrnıriniń shırek fınalyna shyqty
NUR-SULTAN. QazAqparat – Qazaqstandyq Mıhaıl Kýkýshkın Sankt-Peterbor ATP týrnıriniń shırek fınalyna shyqty, dep habarlaıdy QazAqparat tilshisi.
Osy jarystyń altynshy, álemniń 57-raketkasy M.Kýkýshkın ekinshi aınalymda reıtıngte 86-orynda turǵan bosnııalyq Damır Djýmhýrmen sheberlik baıqasty. Qarsylastar osyǵan deıin tórt márte kezdesse, sonyń úsheýinde bosnııalyq tennısshi jeńiske jetken eken.
Bul joly birinshi partııada qazaqstandyq sportshy taı-breıkte basym tústi – 7:6 (7:2).
Ekinshi partııada M.Kýkýshkın match taǵdyryn sheshe bildi – 6:2. Oıyn barysynda ol úsh márte, qarsylasy bir ret qana breık jasaı aldy.
Báseke 1 saǵat 42 mınýtqa sozyldy.
M.Kýkýshkın shırek fınalda osy dodanyń ekinshi, álemniń 9-raketkasy, reseılik Karen Hachanov nemese reıtıngte 64-satydaǵy portýgalııalyq Joaý Soýzanyń bireýimen kortqa shyǵady.
Eske sala keteıik, budan buryn M.Kýkýshkınniń Sankt-Peterbor jarysyn sátti bastaǵanyn, Zarına Dııastyń Osaka týrnıriniń shırek fınalyna shyǵa almaǵanyn jazǵan bolatynbyz.
