Tennıs: Kýkýshkın Sankt-Peterbor týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 87-inshi raketkasy Mıhaıl Kýkýshkın Sankt-Peterbor týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi atalmysh jarystyń alǵashqy aınalymynda dúnıejúzilik reıtıngte 61-inshi satyda turǵan ózbekstandyq Denıs Istomınmen sheberlik baıqasty.
M.Kýkýshkın birinshi partııada 7:5 esebimen basymdyq tanytty. Ekinshi sette D.Istomın 4:2 esebimen jeńip jatqan kezde jaraqatyna baılanysty matchty jalǵastyrýdan bas tartty.
Báseke 1 saǵat 40 mınýtqa sozyldy.
Mıhaıl Kýkýshkın ekinshi aınalymda osy jarystyń 8-inshi raketkasy bolyp tirkelgen, reıtıngte 35-inshi oryndaǵy reseılik Danııl Medvedevpen kezdesedi.
Júlde qory 1 175 190 AQSh dollaryna baǵalanǵan týrnır 23 qyrkúıekte márege jetedi. M.Kýkýshkın 2010 jyly osy týrnırdiń jeńimpazy atanǵan bolatyn. Bul - onyń óz sporttyq jolyndaǵy jalǵyz ǵana tıtýly.
Eske sala keteıik, budan buryn ıÝ.Pýtıntsevanyń Gýanchjoý týrnıriniń shırek fınalyna shyqqanyn jazǵan bolatynbyz.
