Tennıs: Kýkýshkın Rotterdam týrnıriniń shırek fınalyna shyǵa almady
ASTANA. QazAqparat - Qazaqstandyq tennısshi Mıhaıl Kýkýshkın Rotterdam (Nıderlandy) týrnıriniń ekinshi aınalymynda bosnııalyq Damır Djýmhýrmen kezdesti, dep habarlaıdy QazAqparat tilshisi.
M.Kýkýshkın dúnıejúzilik reıtıngte 53-orynda tursa, qarsylasy odan úsh saty tómen edi. Tennısshilerdiń baby men baǵy kelisse, reıtıngke qaramaıtyny anyq. Mysaly, osynyń aldynda D.Djýmhýr birinshi aınalymda álemniń 12-raketkasy, grekııalyq Stefanos Tsıtsıpasty tize búktirgen bolatyn.
Qazaqstandyq tennısshimen básekeni de sátti bastaǵan bosnııalyq sportshy birinshi partııany óz paıdasyna sheshti - 6:4. Tartysty ótken ekinshi partııa 6:6 esebimen taı-breıkke ulasty. Munda birden mınıbreık jasaǵan D.Djýmhýr aqyry kúsh bermedi - 7:3.
Match 1 saǵat 42 mınýtqa sozyldy. Damır Djýmhýr shırek fınalda álemniń 33-raketkasy, frantsııalyq Gael Monfıspen sheberlik baıqasady.
Bir qyzyǵy, M.Kýkýshkın budan buryn Sofııa týrnıriniń ekinshi aınalymynda dál osy G.Monfıspen joly toqaılasyp, jeńilip qalyp, shırek fınalǵa shyǵa almaǵan bolatyn.
Eske sala keteıik, osyǵan deıin M.Kýkýshkınniń Rotterdam týrnırinde bosnııalyq tennısshimen kezdesetinin jazǵan bolatynbyz.
