Tennıs: Kýkýshkın Rotterdam týrnırinde bosnııalyq tennısshimen kezdesedi
ASTANA. QazAqparat - Qazaqstannyń birinshi, álemniń 53-raketkasy Mıhaıl Kýkýshkın Rotterdam (Nıderlandy) týrnırindegi kelesi qarsylasy belgili boldy, dep habarlaıdy QazAqparat tilshisi.
Qazaqstandyq tennısshi shırek fınalǵa shyǵý úshin álemdik reıtıngte 56-orynda turǵan bosnııalyq Damır Djýmhýrmen kúsh synasady.
Búgin atalmysh jarystyń birinshi aınalymynda D.Djýmhýr osy týrnırdiń 3-raketkasy bolyp tirkelgen, reıtıngte 12-oryndaǵy grekııalyq Stefanos Tsıtsıpaspen tartysty kezdesý ótkizdi.
Eki saǵatqa jýyq ýaqytqa sozylǵan básekede tájirıbesi mol D.Djýmhýr sońǵy kezde jaqsy oıynymen kórinip júrgen 20 jasar qarsylasyn 6:4, 1:6, 7:5 esebimen utty.
Taǵy bir tosyn nátıje, osy týrnırdiń ekinshi, álemniń 11-raketkasy, reseılik Karen Hachanov álemdik reıtıngte 211-orynda turǵan gollandııalyq Tallon Grıkspýrden jeńilip qaldy.
Júlde qory 2 mln AQSh dollarynan asatyn Rotterdem týrnıri 17 aqpanda márege jetip, jeńimpaz anyqtalady.
Taǵy bir qazaqstandyq tennısshi, reıtıngte 321-satydaǵy Denıs Evseev Bangkok (Taıland) qalasynda ótip jatqan chellendjer týrnıriniń ekinshi aınalymynda 205-oryndaǵy germanııalyq Tobıas Kamkege ese jiberdi.
Búgingi kún sondaı-aq dúısenbi kúni reıtıngte birden 28 satyǵa, 144-orynǵa kóterilgen Aleksandr Býblık úshin de sátsiz boldy. Ol Frantsııanyń Sherbýr qalasynda ótip jatqan chellendjer jarysynda reıtıngte 226-satydaǵy chehııalyq Zdenek Kolardan utyldy.
Eske sala keteıik, budan buryn M.Kýkýshkınniń Rotterdam týrnıriniń ekinshi aınalymyna shyqqan edi. Sondaı-aq, 21 jasar Aleksandr Býblık Býdapesht týrnıriniń jeńimpazy atanyp, reıtıngte birden 28 satyǵa kóterilgen bolatyn.
