Tennıs: Kýkýshkın «Rolan Garros» týrnıriniń úshinshi aınalymyna óte almady
ASTANA. QazAqparat - Parıjde ótip jatqan Frantsııa ashyq chempıonaty - «Rolan Garros» týrnıriniń ekinshi aınalymynda Qazaqstannyń birinshi, álemniń 85-inshi raketkasy Mıhaıl Kýkýshkın dúnıejúzilik reıtıngte 18-inshi satyda turǵan ıspanııalyq Roberto Baýtısta-Agýtpen kúsh synasty, dep habarlaıdy «QazAqparat» tilshisi.
www.championat.com alynǵan málimetke qaraǵanda, bul kezdesýde osy týrnırdiń 17-inshi raketkasy bolyp tirkelgen ıspanııalyq tennısshi 6:3, 3:6, 6:3, 7:6 (7:3) esebimen jeńiske jetti. Úsh saǵatqa jýyq ýaqytqa sozylǵan matchta Roberto Baýtısta-Agýt alty ret breık jasasa, Mıhaıl Kýkýshkın bes breıkke qol jetkizdi. Endi R.Baýtısta-Agýt úshinshi aınalymda chehııalyq Irjı Veselymen kortqa shyǵady.
Osylaısha, Frantsııa ashyq chempıonatynyń jekeleı synynda Qazaqstannan ıÝlııa Pýtıntseva ǵana qaldy. Ol úshinshi aınalymda osy týrnırdiń ótken jylǵy jeńimpazy, bıylǵy tórtinshi raketkasy, taǵy bir ıspanııalyq Garbıne Mýgýrýsamen sheberlik baıqasady.
