Tennıs: Kýkýshkın Rolan Garros týrnırinde jarys jolynan shyǵyp qaldy
NUR-SULTAN. QazAqparat – Qazaqstandyq Mıhaıl Kýkýshkın Rolan Garros týrnırinde jarys jolynan shyǵyp qaldy, dep habarlaıdy QazAqparat tilshisi.
Álemniń 88-raketkasy M.Kýkýshkın ekinshi aınalymda reıtıngte 105-orynda turǵan ıspanııalyq Pedro Martınes Porteromen kezdesti.
Búgin qazaqstandyq tennısshiniń oıyny múldem júrmedi deýge bolady. Alǵashqy eki partııada 3:6, 1:6 esebimen ese jiberse, sońǵysynda tipti birde-bir geımge qol jetkize almady – 0:6.
Báseke 1 saǵat 39 mınýtqa sozyldy.
Ispanııalyq tennısshi úshinshi aınalymda álemniń 213-raketkasy Sebastıan Kordamen kortqa shyǵady. Ol otandasy, reıtıngte 23-orynda turǵan Djon Iznerdi 6:4, 6:4, 2:6, 6:4 esebimen utyp ketti.
Eske sala keteıik, budan buryn A.Býblıktiń Rolan Garros týrnırinde álemniń 9-raketkasyn utqanyn, E.Rybakınanyń sátti bastaǵanyn jazǵan bolatynbyz.
Al Z.Dııas jeńilip qalsa, ıÝ.Pýtıntseva úshinshi aınalymǵa shyǵa almady.
