Tennıs: Kýkýshkın Rım jarysynyń irikteý saıysyn jeńispen bastady
NUR-SULTAN. QazAqparat - Qazaqstandyq Mıhaıl Kýkýshkın Rım ATP týrnıriniń irikteý saıysyn sátti bastady, dep habarlaıdy QazAqparat tilshisi.
Álemniń 90-raketkasy M.Kýkýshkın bastapqy kezdesýin reıtıngte 184-orynda turǵan shvetsııalyq Elıas Imermen ótkizdi.
Birinshi partııa taı-breıkke deıin jetip, onda shvetsııalyq sportshynyń joly boldy - 7:6 (7:3).
Ekinshi jáne sheshýshi úshinshi sette M.Kýkýshkın utylyp jatyp, tarazy basyn aýdara bildi - 6:4, 7:5.
Tartysty báseke úsh saǵatqa sozyldy.
Qazaqstandyq tennısshi irikteý saıystarynyń fınalyna shyǵý úshin reıtıngte 112-satydaǵy japonııalyq Taro Denıelmen talasady.
Eske sala keteıik, budan buryn Zarına Dııastyń Rım týrnırinde jeńilip qalǵanyn jazǵan bolatynbyz.
